નવનિયુક્ત ગુજરાત પ્રદેશ મહિલા કોંગ્રેસ શ્રી જેનીબેન ઠુમ્મરનો પદગ્રહણ સમારોહ

અમરેલી જિલ્લાનું ગૌરવ નારીરત્ન જિલ્લા પંચાયતના પૂર્વ પ્રમુખ જેનીબેન ઠુંમરની રાજ્યના મહિલા કોંગ્રેસ પ્રદેશ પ્રમુખ તરીકે અખિલ ભારતીય કોંગ્રેસના રાષ્ટ્રીય અધ્યક્ષા શ્રીમતિ સોનિયા ગાંધીની સૂચના અને માર્ગદર્શન હેઠળ રાષ્ટ્રીય મહિલા કોંગ્રેસના પ્રમુખ નેટા ડી સોઝા દ્વારા ગુજરાત પ્રદેશ મહિલા કોંગ્રેસના પ્રમુખ તરીકે નિમણૂક કરવામાં આવતા અમરેલી જિલ્લા સહિત સમગ્ર રાજ્યના કોંગ્રેસના મહિલા કોંગ્રેસના અગ્રણીઓ કાર્યકરોએ આનંદ લાગણી વ્યક્ત કરી અભિનંદન પાઠવ્યા હતા. આજરોજ અમદાવાદ રાજીવ ગાંધી ભવન ખાતે નવનિયુક્ત પ્રદેશ મહિલા કોંગ્રેસના પ્રમુખ તરીકે જેનીબેન ઠુંમરનો પદગ્રહણ સમારોહમાં રાજ્યના કોંગ્રેસ સંગઠન પ્રભારી અને રાજસ્થાનના પૂર્વ આરોગ્ય મંત્રી ડૉ. રઘુ શર્માના અધ્યક્ષ સ્થાને અને કોંગ્રેસ પ્રદેશ પ્રમુખ જગદીશ ઠાકોરની પ્રેરક ઉપસ્થિતિમાં યોજાયો હતો. જેમાં રાજ્યના કોંગ્રેસના મહત્વના અગ્રણીઓ ધારાસભ્ય તેમજ મહિલા કોંગ્રેસના રાષ્ટ્રીય મહામંત્રી શોભનાબેન શાહ, મહિલા કોંગ્રેસ પૂર્વ પ્રમુખ ડૉ. ચંદ્રિકાબેન ચુડાસમા, શ્રીમતિ સોનલબેન પટેલ સહિત અગ્રણીઓ અને મોટી સંખ્યામાં કોંગ્રેસની મહિલા અગ્રણીઓને કાર્યકર્તાઓ ઉપસ્થિત રહ્યા હતા