PMના વતનમાં જ મેડિકલ કોલેજની આ હાલત?, NSUIના આવેદને ખોલી પોલ

બાલમંદિરનાં ભૂલકાંઓ માટે પણ ભલે બેન્ચીસ હોય પણ વડનગરની સાયન્સ કોલેજના છાત્રો આજની તારીખમાં પણ ભોંય પર પલાંઠી મારીને ભણી રહ્યા છે. ચોંકી ના જશો, આ એજ વડનગરની વાત છે, જ્યાં મેડિકલ કોલેજનાં સોહામણાં શમણાં સરકાર બતાવી રહી છે અને આ એ જ વડનગર છે જે વડાપ્રધાન નરેન્દ્ર મોદીનું વતન છે.

મહેસાણા એનએસયુઆઇ દ્વારા સોમવારે આ અંગે જિલ્લા કલેક્ટરને આવેદનપત્ર આપવામાં આવ્યું, તેમાં આ કડવી હકિકતનો ઘટસ્ફોટ થયો છે. વડનગરની સરકારી સાયન્સ કોલેજના 510 વિદ્યાર્થીઓને જમીન પર બેસીને પ્રેક્ટિકલ સહિતનો અભ્યાસ કરવો પડે છે. એટલું જ નહીં, અહીંયા બિલ્ડીંગ નથી, લેબ નથી એટલે લેબ આસિસ્ટન્ટ હોવાનો તો સવાલ જ નથી. પ્રોફેસરોની પણ અછત છે, કેમ્પસમાં પીવાના પાણીની સુવિધા નથી અને કોલેજ સુધી પહોંચવાના રસ્તા પણ ખરાબ છે.http://www.divyabhaskar.co.in/news/UGUJ-MEH-OMC-pm-modis-hometown-vadnagar-medical-college-student-learn-without-benches-5126776-PHO.html