આરોગ્ય સેતુ એપ પર રાહુલ ગાંધીએ ઉઠાવ્યા સવાલ, સિક્યોરિટી-પ્રાઇવેસી પર વ્યક્ત કરી ચિંતા

દેશમાં કોરોના વાયરસનો કહેર યથાવત છે. આ દરમિયાન મોદી સરકાર દ્વારા લોકોને આરોગ્ય સેતુ એપ્લિકેશનને મોબાઇલમાં ડાઉનલોડ કરવા સતત અપીલ કરવામાં આવી રહી છે. આ દરમિયાન કોંગ્રેસ નેતા રાહુલ ગાંધીએ આરોગ્ય સેતુ એપ્લિકેશન પર સવાલો ઉઠાવ્યા છે.

આરોગ્ય સેતુ એપ્લિકેશનને ખાનગી અને સરકારી કર્મચારીઓ માટે ફરજિયાત બનાવવામાં આવી છે. આ દરમિયાન કોંગ્રેસના પૂર્વ અધ્યક્ષ રાહુલ ગાંધીએ આરોગ્ય સેતુ એપ પર સવાલો ઉઠાવ્યા છે. રાહુલ ગાંધીએ ટ્વીટના માધ્યમથી કહ્યું કે આ એપ્લિકેશન ડેટા સુરક્ષા અને ગોપનીયતા અંગે ચિંતાઓ ઉભી કરે છે.