કોંગ્રેસે કહ્યું, રાફેલ સોદો વિશ્વનું સૌથી મોટું કૌભાંડ,

 મોદી સરકારે કરેલા રાફેલ સોદાના વિરોધમાં યુપીએ અધ્યક્ષ સોનિયા ગાંધીનાં નેતૃત્વમાં વિપક્ષે સંસદ પરિસરમાં પ્લેકાર્ડ સાથે સૂત્રોચ્ચાર કર્યા હતા.  વિપક્ષના સાંસદોએ આરોપ મૂક્યો હતો કે, નરેન્દ્ર મોદીનો ભ્રષ્ટાચાર ઉઘાડો પડી ગયો છે. રાજ્યસભાની કાર્યવાહી દરમિયાન કોંગ્રેસના નેતા ગુલામનબી આઝાદે રાજ્યસભામાં જણાવ્યું હતું કે, રાફેલ સોદો વિશ્વનું સૌથી મોટું કૌભાંડ છે. અમે સંયુક્ત સંસદીય સમિતિ દ્વારા તપાસની માગ કરીએ છીએ. કોંગ્રેસના સાંસદ આનંદ શર્માએ આરોપ મૂક્યો હતો કે, આ કૌભાંડમાં મોદી સામેલ છે.