Gujarat Congress Pradesh Committee » Mehboob Shaikh

ગુજરાતના સર્વ પ્રતિનિધિઓેને સંગઠનમાં સ્થાન આપીને ગુજરાતના ‘નવસર્જન’ માટે કટિબધ્ધ છે

Mehboob Shaikh — Fri, 25 Aug 2017 13:48:22 +0000

ગુજરાતના નવસર્જન માટે કોંગ્રેસપક્ષ સંપૂર્ણપણે કટિબધ્ધ છે. અખિલ ભારતીય કોંગ્રેસ સમિતિના રાષ્ટ્રીય ઉપાધ્યક્ષશ્રી રાહુલ ગાંધીએ ગુજરાત પ્રદેશ કોંગ્રેસ સમિતિ હોદ્દેદારોમાં વધુ ૧૦ ઉપપ્રમુખશ્રી, ૧૪ મહામંત્રી, ૭ પ્રવક્તા, ૬૩ મંત્રી, ૪ કારોબારી સભ્યશ્રી અને ૯ વિશેષ આમંત્રિત સભ્યોની નિમણૂંકને મંજૂરી આપવામાં આવી હતી. આ નિમણૂંકો કરવાનો ઉદ્દેશ્ય ગુજરાત કોંગ્રેસના સંગઠનને મજબૂત બનાવવાનો છે. જોકે ગુજરાત વિધાનસભાની ચૂંટણી આગામી ડિસેમ્બર મહિનામાં યોજાનાર છે, ત્યારે ‘એક જ લક્ષ્ય – ૨૦૧૭, નવસર્જન ગુજરાત’ ના સ્વપ્ન સાકાર કરવા કોંગ્રેસના સર્વ કાર્યકરો કટિબધ્ધ છે. ગુજરાતની સામાજિક અને ભૌગોલિક પરિસ્થિતિને ધ્યાને રાખીને હજુ પણ પ્રદેશ કોંગ્રેસ સમિતિના માળખામાં હોદ્દેદારોની નિમણૂંક કરવામાં આવે તેવી શક્યતા છે. જેમાં સૌરાષ્ટ્ર અને દક્ષિણ ગુજરાતમાંથી મહામંત્રી અને પ્રવક્તાઓ નિમાય તેવો અવકાશ છે. કોંગ્રેસ પક્ષ ગુજરાતના સર્વ સમાજ, જ્ઞાતિ, સમુદાય અને ભૌગોલિક વિસ્તારના પ્રતિનિધિઓેને સંગઠનમાં સ્થાન આપીને ગુજરાતના ‘નવસર્જન’ માટે કટિબધ્ધ છે.

પ્રેસનોટ ડાઉનલોડ કરવા અહીં ક્લિક કરો

Press Note

ઉપાધ્યક્ષશ્રી રાહુલ ગાંધીએ પ્રદેશ ચૂંટણી સમિતિ અને ૪ કાર્યકારી પ્રમુખશ્રીની નિમણૂંકને મંજૂરી આપી

Mehboob Shaikh — Fri, 25 Aug 2017 13:37:24 +0000

ગુજરાતના ‘નવસર્જન’ માટે કોંગ્રેસ પક્ષ કટિબધ્ધ છે. ‘એક જ લક્ષ્ય – ૨૦૧૭’ ‘નવસર્જન ગુજરાત’ ના સ્વપ્નને સાકાર કરવા કોંગ્રેસ પક્ષે કવાયત તેજ કરી છે, ગુજરાત વિધાનસભાની ૨૦૧૭ ની ચૂંટણીને ધ્યાને રાખીને અખિલ ભારતીય કોંગ્રેસ સમિતિના ઉપાધ્યક્ષશ્રી રાહુલ ગાંધીએ ‘પ્રદેશ ચૂંટણી સમિતિ’ ને મંજૂરી આપી છે, તેમજ ગુજરાતની સામાજિક અને ભૌગોલિક પરિસ્થિતિને ધ્યાને રાખીને ૪ કાર્યકારી પ્રમુખશ્રીની નિમણૂંકને પણ મંજૂરી આપી છે, જેની યાદી આ સાથે સામેલ કરવામાં આવી છે.

પ્રેસનોટ ડાઉનલોડ કરવા અહીં ક્લિક કરો

Press Note

એ.આઈ.સી.સી. દ્વારા કાર્યકારી પ્રમુખશ્રી તથા પ્રદેશ ચૂંટણી સમિતિની યાદી

Press Release on Gujarat 25-8-2017 -PEC

Press Release 25-8-2017 – Acting President

ગુજરાત પ્રદેશ યુથ કોંગ્રેસ દ્વારા આયોજિત “લોકશાહી વિજય વિશ્વાસ સંમેલન”

Mehboob Shaikh — Thu, 24 Aug 2017 10:53:19 +0000

ગુજરાત યુનિવર્સિટી કન્વેશન સેન્ટર ખાતે ગુજરાત પ્રદેશ યુથ કોંગ્રેસ દ્વારા આયોજિત “લોકશાહી વિજય વિશ્વાસ સંમેલન” યોજવામાં આવ્યું હતું. આ સંમેલનમાં ગુજરાત કોંગ્રેસના પ્રભારી શ્રી અશોક ગેહલોત, પ્રદેશ પ્રમુખશ્રી ભરતસિંહ સોલંકી. યુથ કોંગ્રેસના રાષ્ટ્રીય અધ્યક્ષશ્રી અમરીંદર રાજા બ્રાર, ગુજરાત પ્રદેશ કોંગ્રેસના પૂર્વ પ્રમુખશ્રી સિદ્ધાર્થ પટેલ, ગુજરાત પ્રદેશના મહામંત્રીશ્રી ઇન્દ્રવિજયસિંહ ગોહિલ, યુથ કોંગ્રેસના પ્રમુખશ્રી ગુલાબસિંહ રાજપૂત, ધારાસભ્યશ્રીઓ શ્રી શૈલેશ પરમાર, શ્રી બળદેવજી ઠાકોર, મહેન્દ્રસિંહ બારૈયા, રાજેન્દ્રસિંહ ઠાકોર, કામિનીબા રાઠોડ, પૂર્વ સાંસદ શ્રી પ્રભાબેન તાવીયાડ, શ્રી સાગર રાયકા, શ્રી હિંમતસિંહ પટેલ, સહીતના આગવેનો ઉપસ્થિત રહ્યા હતા. આ સંમેલનમાં રાજ્યમાંથી 10 હજાર થી વધુ યુવાનો જોડાયા હતા

‘સરહદે જવાનો મરી રહ્યાં છે, ખેડૂતો આત્મહત્યા કરે છે, … આખરે કઈ વાતના જશ્નની ઉજવણી?’: રાહુલ ગાંધી

Mehboob Shaikh — Wed, 17 May 2017 12:03:55 +0000

એક બાજુ કેન્દ્રની મોદી સરકાર ત્રણ વર્ષ પૂરા થવા પર જશ્નની ઉજવણી કરી રહી છે ત્યારે કોંગ્રેસના ઉપાધ્યક્ષ રાહુલ ગાંધીએ આ અંગે મોદી સરકાર પર કટાક્ષ કર્યો છે. રાહુલ ગાંધીનું કહેવું છે કે યુવાઓ બેરોજગારીથી પરેશાન છે, ખેડૂતો દુકાળ અને દેવાના કારણે આત્મહત્યા કરી રહ્યાં છે તથા સૈનિકો મોતને ઘાટ ઉતરી રહ્યાં છે પરંતુ સરકાર જશ્ન મનાવવામાં વ્યસ્ત છે. રાહુલે પોતાના ટ્વિટર હેન્ડલ પર સરકાર પર નિશાન સાધતી બે ટ્વિટ કરીને આ સવાલો કર્યા છે. રાહુલનું કહેવું છે કે સમજમાં નથી આવતું કે આખરે સરકાર કઈ વાતનો જશ્ન મનાવી રહી છે. સરહદ પર કારણ વગર જવાનો માર્યા જાય છે, યુવા સારું ભણતર હોવા છતાં નોકરી માટે ઠોકરો ખાય છે પરંતુ તેમને સફળતા મળતી નથી. સરકાર શું કરી રહી છે. શું સરકાર જનતાની આ પરેશાનીઓનો જશ્ન મનાવી રહી છે. દેશમાં ખેડૂતોની આત્મહત્યાઓ અને બેરોજગારી તરફ ઈશારો કરતા તેમણે કહ્યું કે ગત ત્રણ વર્ષ સરકારને મળેલા જનાદેશ સાથે ‘વિશ્વાસઘાત’ છે.

http://sandesh.com/rahul-gandhi-tweets-about-3-years-completed-of-modi-government/

ગુજરાતમાં કોંગ્રેસની સરકાર બનાવવામાં શંકરસિંહ વાઘેલાનો સિંહફાળો રહેશે: સોલંકી

Mehboob Shaikh — Wed, 17 May 2017 12:01:36 +0000

ચૂંટણી બાદ કોંગ્રેસના મુખ્યમંત્રી હાઇકમાન્ડ નક્કી કરશે :સોલંકી
ગુજરાતમાં કોંગ્રેસની સરકાર બનાવવામાં શંકરસિંહ વાઘેલાનો સિંહફાળો રહેશે

ગુજરાતમાં હવે પછી કોંગ્રેસની સરકાર બનાવવામાં શંકરસિંહ વાઘેલાનો સિંહફાળો રહેશે અને વિધાનસભાની ચૂંટણી બાદ કોંગ્રેસના મુખ્યમંત્રી પાર્ટીનું હાઇકમાન્ડ નક્કી કરશે એવું ઉત્તર ગુજરાતના પાટણ ખાતે યોજાયેલી જિલ્લા કોંગ્રેસ કારોબારી સમિતિની બેઠકમાં અધ્યક્ષ તરીકે ખાસ હાજર રહેલા ગુજરાત કોંગ્રેસના પ્રમુખ ભરતસિંહ સોલંકીએ જણાવ્યું હતું.

http://epaper.navgujaratsamay.com/details/18297-29861-1.html

ભાજપના ભ્રષ્ટાચારને સોશિયલ મીડિયા દ્વારા લોકો સુધી પહોંચાડો: અહમદ પટેલ

Mehboob Shaikh — Mon, 15 May 2017 12:17:37 +0000

વડાપ્રધાનમોદીના શાસન સહિત ભાજપના 22 વર્ષના ભ્રષ્ટાચારને પ્રજા સુધી પહોંચાડવા માટેનું સોશિયલ મીડિયા શ્રેષ્ઠ માધ્યમ છે તેમ પ્રદેશ કોંગ્રેસના આઇટી સેલના અમદાવાદ ખાતે મળેલા સેમિનારમાં અધ્યક્ષા સોનિયા ગાંધીના રાજકીય સચિવ અહેમદ પટેલે કહ્યું હતું. આઇટી સેલના પ્રમુખ રોહન ગુપ્તાએ મહેમાનોનું સ્વાગત કર્યું હતું.

અહેમદ પટેલે કહ્યું કે સરકારની નિષ્ફળતાને સોશિયલ મીડિયા થકી ઉજાગર કરવાની છે. પૂર્વ પ્રમુખ અર્જુન મોઢવાડિયાએ ભાજપ-આરએસએસ જેમના આશીર્વાદથી આગળ આવ્યા છે તેવા યોગીની ભાષા ટપોરી, રામદેવ વેપારી અને આસારામ દુષ્કર્મના આરોપી છે. પ્રદેશ પ્રમુખ ભરતસિંહ સોલંકીએ રાજીવ ગાંધી જ્યારે કમ્પ્યૂટરની વાત કરતા હતા ત્યારે ભાજપવાળા સ્વદેશીની વાત કરતા હતા, હવે તે ભાજપવાળા આઇટી, ડિજિટલ ઇન્ડિયાની વાત કરે છે.

http://www.divyabhaskar.co.in/news/MGUJ-AHM-HMU-MAT-latest-ahmedabad-news-020005-2602198-NOR.html

કોંગ્રેસ ગોરિલા યુદ્ધ લડી ભાજપને પછાડશે: ભરતસિંહ

Mehboob Shaikh — Mon, 15 May 2017 12:16:21 +0000

પ્રદેશ કોંગ્રેસના આઇટી સેલ દ્વારા નવ સર્જનના નેજા હેઠળ સાયબર મીટનું આયોજન કરાયુ હતું. ગુજરાત યુનિવર્સિટી હોલ ખાતે આયોજીત સાયબર મીટમાંકોંગ્રેસના વરિષ્ઠ નેતા અહેમદ પટેલ ખાસ ઉપસ્થિતિ રહ્યા હતા. તેમજ પ્રદેશ કોંગ્રેસ પ્રમુખ ભરતસિંહ સોલંકી,પૂર્વ પ્રમુખ અર્જુનભાઇ મોઢવાડિયા પણ હાજર રહ્યા હતા.

આ પ્રસંગે બોલતા પ્રદેશ પ્રમુખ ભરતસિંહ સોલંકીએ કોંગ્રેસના આઇટી સેલના કાર્યકર્તાઓને માર્ગદર્શન આપ્યુ હતું અને કહ્યુ હતું કે પ્રશાંત કિશોર કરતા કોંગ્રેસના આઇટી સેલના કાર્યકર્તા વધારે હોશિયાર છે. તેમજ ભાજપ પર પ્રહાર કરતા કહ્યુ હતું, કે હવે કોંગ્રેસે ગોરીલા યુદ્ધ કરવું પડશે.કારણ કે ભાજપ પાસે સોશિયલ મિડીયા માટે કરોડો રૂપિયા છે. જ્યારે કોંગ્રેસ ગોરિલા યુદ્ધથી લડત આપશે. તો આ પ્રસંગે આવેલા અહેમદ પટેલ પણ શાયરાના અંદાજમાં મોદી સરકાર પર પ્રહાર કરવાનું ચુક્યા ન હતા.

http://gujarati.news18.com/news/ahmedabad/congress-16-723328.html

નવસર્જન ગુજરાત સાયબર મીટ ૨૦૧૭

Mehboob Shaikh — Sun, 14 May 2017 12:20:32 +0000

કોંગ્રેસની કારોબારીમાં બે તૃતીયાંશ બહુમતીથી ચૂંટણી જીતવા વ્યક્ત કરાયો નિર્ધાર

Mehboob Shaikh — Thu, 11 May 2017 11:57:05 +0000

નેતા ફોન કરે એને નહિ, સ્થાનિકો કહેશે એને ટિકિટ, ભરતસિંહ-શંકરસિંહ સિવાય ત્રીજા પણ મુખ્યમંત્રી બની શકે તેમ કહેવું છે અશોક ગેહલોતનું, શહેરી-ગ્રામ્ય વિસ્તારના ચૂંટણી ઢંઢેરા અલગ અલગ : ભરતસિંહ

‘કોંગ્રેસ આવે છે’ થીમ પર ગુરુવારે ગુજરાત પ્રદેશ કોંગ્રેસ સમિતિની વિસ્તૃત કારોબારી બેઠક યોજાઈ હતી, આ બેઠકમાં મુખ્યમંત્રી પદની અંદરો અંદરની લડાઈની આગને ઠારવા તેમજ કોંગ્રેસના તમામ નેતાઓએ એકજૂથ છે તેવો સંદેશો કાર્યકરોમાં પાઠવવામાં પ્રયાસ કરાયો હતો. સાથે જ ગુજરાતમાં બે તૃતીયાંશ બહુમતી સાથે જીતનો મક્કમ નિર્ધાર વ્યક્ત કરાયો હતો. બેઠકને સંબોધતાં નવનિયુક્ત પ્રભારી અશોક ગેહલોત સ્પષ્ટ જણાવ્યું હતું કે, ખબરદાર, કોઈના મોઢે હવે મુખ્યમંત્રી પદની વાત આવવી ન જોઈએ. જરૃરી નથી કે ભરતસિંહ સોલંકી કે શંકરસિંહ વાઘેલા મુખ્યમંત્રી બને, એ સિવાય કોઈ ત્રીજો પણ મુખ્યમંત્રી બની શકે, પણ આ બધું ચૂંટણી જીત્યા પછી, એ પણ પરંપરા મુજબ હાઈકમાન્ડ નક્કી કરશે.

અશોક ગેહલોતે બેઠકને સંબોધતાં કહ્યું કે, રાહુલ ગાંધીએ નવા પ્રભારીની ટીમને ગુજરાતની ચૂંટણી જીતવા માટે મોકલી છે. ગુજરાતમાં કોંગ્રેસ ૨૨ વર્ષથી સત્તા બહાર છે. 22 વર્ષથી કોંગ્રેસ સત્તા પર નથી, હવે મળીને કામ કરો. CM કોણ બનશે તેની ચર્ચા કરો છે તે મૂકી 22 વર્ષથી બહાર છીએ તેની ચર્ચા કરો. સરકાર બનાવ્યા પછી નક્કી કરીશું કે CM કોણ બનશે. ગુજરાતમાં ફક્ત એવી વ્યક્તિને ટિકિટ મળશે જે જીતી શકે તેમ હોય, કોઈ નેતાના ફોનથી કોઈને ટિકિટ મળી નહિ જાય, સ્થાનિક આગેવાનો કહેશે તેને જ ટિકિટ મળશે. ગુજરાતની ચૂંટણીમાં કોંગ્રેસની જીત દેશને દિશા આપવામાં ટર્નિંગ પોઈન્ટ બનવાની છે.

http://sandesh.com/congress-working-committee-meets-in-leadership-of-ashok-gehlot-in-ahmedabad-306839-2/

ભરતસિંહ અને શંકરસિંહ વચ્ચે કોઇ મતભેદ નથી,કેટલાક લોકો ખોટી વાતો ફેલાવે છેઃઅહેમદ પટેલ

Mehboob Shaikh — Thu, 11 May 2017 11:55:26 +0000

કોંગ્રેસના વરીષ્ઠ નેતા અહેમદ પટેલે આજે અમદાવાદમાં કોગ્રેસ વિસ્તૃત કારોબારી બાદ પત્રકારો સાથે વાતચીતમાં જણાવ્યું હતું કે,ભરતસિંહ અને શંકરસિંહ વચ્ચે કોઇ મતભેદ નથી.કેટલાક લોકો ખોટી વાતો ફેલાવે છે.હવે કોંગ્રેસ સરકાર આવશે.એએમસી બોડકદેવ કોમ્યુનિટિ હોલમાં આ બેઠક મળી હતી. કોંગ્રેસની કારોબારીમાં 2017ની વિધાનસભા ચુંટણી જીતવા મંથન કરાયું હતું. અહેમદ પટેલે વધુમાં કહ્યુ કે ટિકિટ માટે કોઇની ભલામણ ચાલશે નહી.

ગુજરાત કોંગ્રેસના પ્રભારી અશોક ગેહલોતે કહ્યુ હતું કે,કોંગ્રેસ સીએમ પદના ઉમેદવાર જાહેર નહી કરે.દિલ્હી હાઇકમાન્ડ ચુંટણી જીત્યા બાદ ઉમેદવાર જાહેર કરશે.ચુંટણી જીત્યા બાદ ધારાસભ્ય નક્કી કરશે કે સીએમ કોણ હશે.ભરતસિંહ સોલંકીની આગેવાનીમાં ચુંટણી લડાશે.કોંગ્રેસના નેતાઓ એક થાય અને કામ કરે

http://gujarati.news18.com/news/ahmedabad/gujarat-pradesh-congress-executive-ahmedabad-723164.html

ભાજપના કેટલાક પૂર્વ ધારાસભ્યો કોંગ્રેસમાં જોડાવવા તૈયાર: ભરતસિંહ સોલંકી

Mehboob Shaikh — Thu, 11 May 2017 11:52:39 +0000

ભાજપના કેટલાક પૂર્વ ધારાસભ્યો કોંગ્રેસમાં જોડાવવા તૈયાર: ભરતસિંહ સોલંકી

https://www.youtube.com/watch?v=HbL-sG_f1mw

હું CM પદનો દાવેદાર નહીં, ભરતસિંહની આગેવાનીમાં લડીશું ચૂંટણીઃ શંકરસિંહ

Mehboob Shaikh — Thu, 11 May 2017 11:51:09 +0000

ગુજરાત પ્રદેશ કોંગ્રેસ સમિતિની કારોબારી બેઠક આજે મળી હતી. બેઠકમાં ગુજરાત કોંગ્રેસના પ્રભારી અશોક ગહેલોત અને પ્રદેશ પ્રમુખ ભરતસિંહ સોલંકી અને વિરોધપક્ષના નેતા શંકરસિંહ વાઘેલા અને અહેમદ પટેલ ઉપસ્થિત રહ્યાં હતા.કારોબારીની બેઠકમાં મુખ્ય નેતાઓએ એક વાત પણ સર્વસામાન્ય કહીં હતી કે ભરતસિંહ કે શંકરસિંહ વાઘેલા વચ્ચે મતભેદ નથી.કારોબારી બેઠક પછી શંકરસિંહે પત્રકારોને સંબોધતાં કહ્યું હતું કે, હું સીએમ પદનો દાવેદાર નથી, ગુજરાતની આગામી ચૂંટણી કોંગ્રેસ ભરતસિંહ સોંલકીની આગેવાનીમાં લડશે.’

મુખ્યમંત્રી કોણ બનશે ભરતસિંહ કે શંકરસિંહ . તેવી કાર્યકરોમાં વહેતી વાતોનો જવાબ આપતા પ્રભારી ગેહલોતે કહ્યું હતું કે ભરતસિંહ અને શંકરસિંહ બેમાંથી કોણ બને તે ચૂંટણી પછી નક્કી થશે, ચૂંટાયેલા ધારાસભ્યો નક્કી કરશે, હાઇકમાન્ડ નક્કી કરશે. એવું પણ બની શકે કે બે પૈકી કોઇ ન બને અને કોઇ ત્રીજો બની જાય! ગેહલોતે કહ્યું કે શંકરસિંહ વાઘેલાએ જનસંઘ છોડીને કોંગ્રેસમાં આવ્યા અને તેઓ કોંગ્રેસમાં એક રસ થઇ જતા પાર્ટીએ તેમને પ્રદેશ પ્રમુખ સહિતની વિવિધ જવાબદારીઓ સોંપી હતી.

http://www.divyabhaskar.co.in/news/MGUJ-AHM-c-69-gujarat-congress-working-committee-meeting-in-ahmedabad-NOR.html